Қаражанбасмұнай көлік қызметкерлері құрметті демалысқа шықты

«Қаражанбасмұнай» АҚ-ның технологиялық көлік департаменті өндірісте абыройлы еңбек етіп, қызмет белесін бағындырған бірқатар жұмысшыны құрметті демалысқа шығарып салды. №1 және №2 гараж ұжымы компаниядағы көлік саласының дамуына сүбелі үлес қосқан әріптестерге алғыс білдіріп, шапан жапты.

Қоңыратбай Ахметов – Қаражанбаста 17 жыл бойы жылжымалы компрессор машинисі ретінде табан аудармай еңбек етті. Өз ісінің маманы біліктілігі мен мол тәжірибесі арқасында өндірістің өркендеуіне еңбегі сіңген жұмысшы.

Зейнет жасына жеткен үзеңгілестер қатарында автоцистерна жүргізушілері Мәлік Тайманов пен Бердібек Өмірзақов бар. Арнайы техниканы толық меңгерген олар жол ережесін сақтап, өндіріске қажетті техникалық суды жауапкершілікпен тасымалдайды.

Көліктердің кен орнында құстай самғауын қамтамасыз ететін мамандардың бірі - автоэлектрик Нұрғали Қанашов. Өмірінің 20 жылға жуық уақытын осы осы салаға арнаған жұмысшы бұған дейін шеберлігімен талайдың таңдайын қақтырған маман.

Қара алтын өндірісі – тәулік бойы тоқтаусыз жүретін процесс. Сондықтан жұмыс үздіксіздігін сақтау компания жұмысшылары үшін ортақ міндет. Қызметін табысты түйіндеп, ізбасарларына оң бағыт көрсеткен көлік қызметкерлерін енді өмірдің жаңа кезеңі күтіп тұр.

Еще больше новостей на нашем telegram-канале , подписывайся и будь в курсе!

К списку статей Следующая статья

АРХИВ ЖУРНАЛОВ SKNEWS